CAGAYAN DE ORO CITY – Dili kapasalig ang Police Regional Office o PRO-10 nga kalikayan ang dugu-ong anti-drugs operations batok sa grupo sa mga sindikato nga naglihok sa rehiyon.
Kini human maoy gusto ni drug czar Vice Pres Leni Robredo nga mahunong ang klase sa operasyon ug ilisdan sa mas makasalbar sa kinabuhi sa tawo nga paagi.
Miingon si PRO-10 spokesperson Lt Col Mardi Hortillosa nga imposible ang kagustuhan ni Robredo ilabina kon mabutang na peligro ang kinabuhi sa kapolisan batok sa illegal drugs pushers nga mosukol panahon sa operasyon.
Natumbok nga ang rehiyon,dunay taas usab nga kaso sa drug pushers nga napatay dihang gipaubos sa anti-illegal drugs operations sa sugod tuig 2018 hangtod ning tuiga.
Samtang hulaton sa kapolisan ang paghidangat sa body cameras nga gamiton sa matag anti-illegal drugs operations batok sa mga sindikato sa ilegal nga droga sa Northern Mindanao.
Kini ang tubag ni PRO-10 spokesperson Lt Col Mard Hortillosa sa kagustuhan ni drug czar Vice Pres Leni Robredo nga ipagamit sa ‘bodycam’ ang mga pulis sa ilang pag-operate batok illegal drug pushers.
Miingon si Hortillosa nga dugay na sila gusto makabaton niini apan dili prioridad sa PNP headquarters tungod sa kakulang sa pondo.
