CAGAYAN DE ORO CITY – Gitakdang isaka na ngadto sa ‘blue alert status’ ang seguridad sa lalawigan sa Misamis Oriental.
Kini isip tubag sa abiso sa Office of the Civil Defense o OCD 10 nga e-aktibo na ang alert status sa rehiyon alayon sa pag-obserbar sa semana santa.
Miingon si Fernando ‘Sotsot’ Dy Jr,head sa Misamis Oriental Provincial Disaster Risk Reduction Management Office o PDRRMO nga mo-epekto ang blue alert status sa Miyekules Santo0.
Siya miingon nga nag-unang tuyo nga maalerto na ang tanan alang sa ipatuman nga seguridad sa 23 ka lungsod ug duha ka syudad sa probinsya.
Namahayag kini nga nag-una pa gihapon nga dagsaon sa mga deboto matag-semana santa ang shrine sa Divine Mercy Hills sa El Salvador City kay gitoohan nga mohatag alibyo sa mga pangaliyopo sa mga hangyo niini.
Hisayran daghan ang kadagsa sa mga turista ug mga deboto sa lalawigan kay ubay-ubay’ng religious sites ang mahimo nila duawon.
