CAGAYAN DE ORO CITY – Gitakdang ipaubos sa blue alert ang seguridad sa Misamis Oriental sunod semana.
Kini may kalabutan sa pag-obserbar sa mga adlaw santos ug kalag diin gilauman ang pagdalikyat sa libuang katawhan sa publiko ug pribadong mga menteryo sa lalawigan.
Miingon si MisOr Provincial Disaster Risk Reduction and Management Office o PDDRMO head Fernando Dy Jr nga mohimo pa sila sa katapusang panagtagbo kuyog si Gov Peter Unabia alang sa pinal nga deployment sa puwersa sa maong kalihukan.
Siya miingon nga dako’g tahas niini ang tropa sa kapolisan ug military alang sa pagmintinar sa kahusay’g kalinaw sa probinsya.
Hisayrang nag-unag suliran sa seguridad sa lalawigan ang presensiya pa gihapon sa Communist Party of the Philippines- New People’s Army o CPP-NPA.
