CAGAYAN DE ORO CITY -Giisa ni Gov Peter Unabia sa blue alert status ang kalungsuran ug duha ka syudad ubos sa Misamis Oriental epektibo kagahapong adlawa.
Namahayag si Fernando ‘Sotsot’ Dy Jr,hepe sa Misamis Oriental PDRRMO nga haom kini sa nasudnong mando pinaagi sa RDRRMC nga mohimo’g mga lakang ang matag- provincial,municipal ug city local govt units pagsiguro nga luwas ang katawhan sa pag-obserbar sa adlaw sa antos ug kalag.
Gibutyag ni Dy nga tutukan usab sa probinsya ang nagkadaiyang coastal areas kay ilang gilauman nga adunay pagdagsa sa mga tawo alang sa tapok-tapok sa pamilya kay 3 ka adlaw nga walay trabaho ang taga-gobierno.
Hisayrang ayha makaabot ang dakong ihap sa mga biyahedor gikan sa pipila ka bahin sa nasud pasulod sa Cagayan de Oro ug ug bahin sa Northern Mindanao,moagi una sila sa hurisdiksyon sa Misamis Oriental
