CAGAYAN DE ORO CITY-Gimanduan sa Civil Service Commission-Manila ang board of directors sa Cagayan de Oro Water District o COWD nga moduso sa ilang tubag.
Kini may kalabutan sa pagtangtang sa COWD board of directors isip general manager ni Engr Rachel Beja ning tuiga.
Miingon si Beja nga hulaton nila ang mahimong hukom sa CSC-Manila kon paboran ba kini sa iyang petition for review batok sa dismissal order nga gihampak batok kaniya.
Si Beja ang dul-ag 20 ka tuig nga empleyado sa COWD apan tungod lamang sa wala maangayi nga aksyon niini sa panan-aw sa board of directors, kini kalit gitangtang sa tulo ka ordinaryo kaayo nga mga rason.
