CAGAYAN DE ORO CITY-Gitin-aw ni Bukidnon Board member Atty Jay Albareci nga wala makadawat sa kamanduan gikan sa Court of Appeals o CA ang Sangguniang Panlalawigan kalabot na sa re-installment ni Rogelio Quiño isip bise-gobernador sa Bukidnon.
Matud ni Albareci nga may dawatan silang report nga gi-abswelto na sa kaso si Quiño apan wala pa nila madawat ang pormal nga kamanduan gikan sa CA.
Tungod niini, pabiling si First District Board member Alex Calingasan ang ilang giila nga bise gobernador sa probinsiya.
Kahinumduman nga si Quiño ang gi-dismiss sa Ombudsman tungod sa kasong nepotismo.
