Gisubhan na ni United States President Donald Trump ang iyang gitukod nga organisasyon, ang Board of Peace, didto sa White House, Washington DC, kaganinang kadlawon, oras dinhi sa Pilipinas. Namahayag si Trump nga siyam na ka nasud ang nagbubo sa 7-Bilyones dolyares nga pondo aron masanta, mahatagan sa kalinaw ang gubat sa Gaza, ug ayudahan ang daghang pangbiktima sa gubat sama nagpadayong inilogay sa teritoryo sa Russia ug Ukraine. Kini nga mga nasud gilangkoban sa Kazakhstan, Azerbaijan, United Arab Emirates (UAE), Morocco, Bahrain, Qatar, Saudi Arabia, Uzbekistan ug Kuwait. Gitin-aw ni Trump nga naka-andam na ang 10-B US-dolyares sa Amerika alang sa organisasyon, ug target nila ang gibana-bana 70-Bilyon aron magsilbi kinig pundo sa aid packages sa Gaza human sa duha ka tuig nga gubat. Gawas niini, mikomitar usab ang mga nasud sa Egypt ug Jordan sa pagbansay sa mga puwersa kapulisan nga maoy maghatud sa mga ayuda o mulusad sa peace keeping mission. Sa pikas bahin ang Indonesia, Morocco, Kazakhstan, Kosovo, ug Albania nagtanyag sa military support aron magsilbing international stabilization force. Miingon si Trump nga daghang kanasuran pa ang iyang giimbitar nga mga mahimong miyembro apan wala pa sila makadawat sa tubag
