CAGAYAN DE ORO CITY-Gironda sa Martial Law Special Action Group o MLSAG ang kuwarto nga giabangan sa Maute members diha sa Zone 4,Tambo,Brgy Carmen ning syudad kagahapon sa hapon.
Kini human mismo na ang tagbalay ang naghangyo nga masusi ang kuwarto nga gisak-an sa mga suspek nga sila si Farida Pangumping Romato; Abdulrahman Dimakutah ug Ijahid Romato dihang nasayran nga miembro kini sa Maute group.
Gibutyag ni Carmen Police Station commander C/Insp Ritchie Salva nga hinoon walay nakuha nga kontrobando gikan sa mga bagahe gikan sa mga suspek.
Nasikop sila si Farida;Ijahid samtang misibat sakay sa barko sa Iloilo City ning semanaha ang nasuta usab nga igsoon sa Maute bomb expert nga unang naaresto sa MLSAG nga si Mohammed Maute alyas Abu Jadid sa Brgy Macasandig ning syudad.
