CAGAYAN DE ORO CITY – Mi-sobra ang nakulekta nga kinitaan sa Bureau of Customs- Cagayan de Oro sa naglabay’ng bulan sa Pebrero ning tuiga.
Kini bisan sa walay hunong nga pagpahuyang sa ekonomiya tungod sa pandemya nga dala sa COVID-19.
Gibutyag ni Customs Cagayan de Oro spokesperson Angelo Andrade nga sa 1.7 bilyon pesos nga gitahas sa Dept of Finance nga angay kolektahon,nakab-ot nila ang kapin 2 bilyon pesos ang nakuha sa mga pantalan dinhi sa rehiyon.
Miingon si Andrade nga anaa sa 600 milyon ang sobra nga koleksyon sa ahensiya o 37.47 porsiento nga surplus nga indikasyon nga walay paglurang ang pagsulod sa imported goods ilabina sa mga produktong petrolyo dinhi sa nasud.
Milangkob sa maong koleksyon ang kinitaan gikan sa Iligan City,Ozamiz City,Mindanao Container Terminal sa Tagoloan ug dinhi sa dakbayan.
