CAGAYAN DE ORO CITY-Gipanganti sa Bureau of Customs o BoC nga gukdon pa ang grupo nga utok sa mga pagpalusot sa mga ilegal nga kargamento pasulod sa Northern Mindanao.
Gihimo ni Customs Cagayan de Oro Collector Atty Floro Calixihan ang panganti human milampos ang gobierno pagpapauli sa libo ka tonelada nga basura sa South Korea nga misulod sa Misamis Oriental sa tuig 2018.
Miingon si Calixihan nga magbunga sa kanunay sa positibong resulta ang anti-smuggling ug ubang paningkamot sa kagamhanan kon dunay lig-on nga paghiusa sa katawhan.
Nasapon ang maong mga basura sa Verde Soko Philippines Industrial Corporation dihang nabantayan nga gidala kini sa Brgy Sta Cruz,Tagoloan ning lalawigan bisan walay importation permit gikan sa gobierno sugod Hulyo ug Oktubre 2018.
