CAGAYAN DE ORO CITY-Kasuhan sa Bureau of Customs Northern Mindanao ang Juchem Enterprises tungod sa 320 ka drums sa kemikal nga pangsagol paghimo sa shabu nga nasitar diha sa Mindanao International Container Terminal o MICT sa Tagoloan ning lalawigan.
Gibutyag ni Customs Collector Tomas Alcis nga ubos na sa kustodiya ang balor P4 milyon nga kontrabando nga gikan sa India.
Nasuta nga giingong gamiton ang maong kemikal sa minahan sa Butuan City apan wala motoo ang Customs officials hinungdan nga kini gi-embargo gikan sa maong kompanya.
Una niini,mismo si BoC spokesperson Niel Anthony Estrella ang nangunay pag-abli sa maong mga kontrabando gikan sa upat ka container vans sa MICT atubangan sa media kagahapong adlawa.
