CAGAYAN DE ORO CITY – Gisuta sa Bureau of Fire Protection kon unsay hinungdan sa pagkasunog sa bodega sa kompanyang AJ Wood Products nga nahimutang sa Zone 6,Sitio Baloi,Brgy Tablon ning syudad kagabii.
Gitumbok nga maoy tag-iya niini ang negosyante nga si Alarico Lim nga nagpuyo dinhi sa syudad.
Gibutyag ni Tablon Brgy Kapitan Billy ‘Kid’ Auza nga subay sa iyang paghinabi sa BFP firemen responders nga nagsugod ang kalayo sa ‘boilers’ portion sa maong warehouse.
Hinoon,gihupay ni Auza nga walay trabahante sa kompanya o laing mga balay nga nadamay sa sunod.
Gisuta pa usab kon pila ang damyos-perhisyo sa maong sunog.
Una usab niini,nasunog ang usa ka balay nga okupado sa duha ka pamilya sa Brgy Consolacion ning syudad kagahapon sa hapon.
Ang duha ka mga sunod ang mitala sa 300-mil pesos nga structural damages.
