CAGAYAN DE ORO CITY – Gitulis sa upat ka armado sa kalibre 45 nga armas ang bodega sa bugasan diha sa Zone 10,Upper Zayas,Brgy Carmen ning syudad.
Gibutyag ni Carmen Police Station commander Maj Mario Mantala Jr nga nadis-armahan ang kaugalingong sekyu sa maong bodega hinungdang napasayon ang pagkuha sa mga tulisan sa bana-banang 600-mil pesos nga kinitaan kagahapong adlawa.
Miingon si Mantala nga tungod sa hangyo sa tag-iya,wala una nila nila kini nangali ug ang mismong pangalan sa rice warehouse alang usab sa ilang seguridad.
Gipasalig sa PNP nga mahatagan sa dinaliang sulbad ang laing pagpanulis nga natigayon sa dakbayan.
Hisayrang sa miaging Hulyo 2,gitulis gihapon sa upat ka armadong lalaki ang gasoline station sa Brgy Puerto ning syudad diin sobra 200-mil pesos ang nawagtang nga kinitaan.
