CAGAYAN DE ORO CITY – Naugdaw ang lima ka pinuy-anan ug laing wala pa gamita nga warehouse nga nahimutang sa Zone 4,Pasil,Brgy Kauswagan ning syudad kagabii.
Gibutyag ni BFP Kauswagan-Sub Station commander SFO4 Samson Velarde nga inisyal nagsugod ang kalayo sa balay ni Nathaniel Cabañez ug mikaylap sa tibuok nila compound ug nadamay ang bodega.
Hinoon,walay bisan usa tawo nga samaron sa maong sunog diin nagtala sa tunga sa milyon ka pesos nga structural damage.
Sutaon pa sa BFP ang hinungdan sa maong hitabo.Kini na ang ikatulong sunog nga natigayon sa dakbayan sukad pagsulod sa Enero ning tuiga.
