CAGAYAN DE ORO CITY-Gihimakak ni board of director member Joel Baldelovar nga ang isyu sa water dispute tali sa Cagayan de Oro Water District o COWD ug
Rio Verde ingon man MetroPac ang rason sa pag-resign niini.
Kini human una nang naputos sa pagsaway ang panubig sa syudad tungod sa pagdumili sa COWD nga ihatag ang gipangayo nga increase sa Rio Verde gumikan sa isyung legal.
Si Baldelovar miingon nga personal ang rason sa iyang pag-resign ilabina nga may
maayong tanyag sa bag-ong trabaho ang panguluhan niini epektibo sunog tuig.
Samtang ipadayon sa komitiba sa public utilities sa konseho ang pag-imbestigar sa
kasiguruhan sa suplay sa panubig alang sa katawhan sa syudad.
Kini bisan nga may nag-resign nga board of director sa COWD tungod sa init nga isyu sa water supply sa dakbayan.
Kumbinsido si Kag Bong Lao,chairman sa komitiba nga personal ang rason ni Baldelovar apan ipatawag gihapon sa konseho sa adlaw’ng Miyerkules.
Sa pikas bahin gisugdan na Rio Verde Water Consortium ang giingong pag-minus sa water supply sa jump off point sa COWD kagabii.
Kini human unang nangayo’g usbaw sa bayrunon sa tubig ang Rio Verde sa COWD aron giingong magamit pag-ayo sa naguba nila nga pipeline diha sa Taguanao,Indahag ning syudad.
Miingon si Engr Joffrey Hapitan,senior vice president for operations nga daan na sila nag-abiso sa COWD nga mohinay ang suplay sa tubig kay wala sila’y
pondo magamit ipaayo niini.
Samtang kumbinsido si Lao sa konseho ning syudad nga sinabutan lamang sa Rio Verde ug MetroPac ang isyu sa water rate adjustments nga ilang pangayu-on sa COWD.
Miingon si Lao nga kon tinood pa nga wala magsabot ang duha ka kompanya,angay mo-reklamo na ang Rio Verde tungod sa aktibo pa nga kontrata sa panubig niini.
Kini ang hinungdan nga ipatawag nila’g balik sa konseho ang maong mga kompanya aron makakab-ot sa long term solution sa suliran sa panubig sa syudad.
