CAGAYAN DE ORO CITY-Gikompirmar ni Kag Romeo Calizo, chairman sa Committtee on Police, Public Safety and Fire nga nasabutan na sa lokal nga kagamhanan ang may kalabutan sa body camera nga i-isyu sa police operatives.
Apan gitin-aw ni Calizo nga ila unang hulatan ang desisyon sa Philippine National Police Headquarters sa maong sugyot.
Samtang nagpabilin ang panawagan ni Kag Calizo sa mga pamilya nga biktima sa extra judicial killings o EJK nga makigtagbo sa iyang buhatan.
Si Calizo miingon nga hangtud karon wala pay midangop sa iyang buhatan aron i-report ang hinimoan nga extra-judicial killings sa syudad.
Gibutyag niini nga mas maayo nga adunay complainant sa maong reklamo aron mapadali ang ilang himoon nga aksyon.
Una nang gibutyag ni Calizo nga andam suportahan sa lokal nga kagamhanan ang programa sa kapolisan nga maghatag seguridad kaayohan sa katawhan.
