CAGAYAN DE ORO CITY – Apuran sa tag-duha ka body camera ang 25 ka estasyonan sa kapolisan nga ubos sa Misamis Oriental Provincial Police Office o (MOPPO).
Kini human kumpirmaha ni Gov Bambi Emano nga aprobado na sa Provincial Peace and Order Council (PPOC) ang pagpalit sa maong body cameras nga gamit pag-ayo sa matag-operasyon ilabina sa anti-illegal drugs campain sa nagkadaiyang law enforcement agencies sa lalawigan.
Miingon si Emano nga hatagan usab nila sa body camera ang buhatan sa National Bureau of Investigation -10 ug Philippine Drugs Enforcement Agency-10 nga natahasan usab sa anti-illegal drugs operation ni Presidente Rodrigo Duterte.
Hisayrang sa lima ka lalawigan sa rehiyon,ang Misamis Oriental ang dunay taas nga ihap sa suspected drug pushers nga napatay sa kapolisan kay giingong nanukol sukad naglingkod isip pangulo si Duterte sa nasud.
