CAGAYAN DE ORO CITY –Naghikog-patay sa unang adlaw sa tuig ang igo lamang nagbakasyon nga residente sa Bohol diha sa Zone 3 Pinikitan,Camaman-an ning syudad.
Giila ang biktima nga si Nilo Carbonera, 51-anyos nga residente sa lungsod sa Lo-on.
Nakit-an na lamang si Carbonera nga nagkulob sa balay sa maong lugar ug wala nay kinabuhi.
Gigamit niini sa pagpakamatay ang extension wire nga gihikot niya sa iyang liuog.
Gibutyag ni Cogon Police Station investigator Police Sr Master Sgt Robin Gallore nga may personal problem ug depression ang biktima nga nagtukmod niini aron kutloon ang kauglingaong kinabuhi.
Kumbisido ang kapolisan ug pamilya ni Carbonera nga walay foul play sa hitabo.
