CAGAYAN DE ORO CITY-Masaligon ang molangkob sa Bangsamoro Region in Muslim Mindanao o BARMM nga kabahin sa epektibong tubag sa kagubot sa Mindanao ang pirmado ni Pres Rodrigo Duterte nga Bangsamoro Organic Law o BOL.
Kini human angkona ni ARMM 1st District Assemblyman Zia Alonto Adiong nga dili lig-on ang ilang relasyon ngadto sa local chief executives sa kasamtangang panahon.
Miingon si Adiong nga pinaagi sa bag-ong Bangsamoro govt,hayan mas magamit na niini ang gitugot kanila sa balaod ilabina ang pagpaabot sa batakang serbisyo sa mga tribu nga sakop sa rehiyon.
Samtang dili pa angayan maglipay ang proponents sa BOL bisan nga pirmado na ni Duterte.
Kini ang gi-reaction ni Atty Ed Cuaresma,presidente Integrated Bar of The Philippines o IBP Misamis Oriental-CdeO Chapter.
Gibutyag ni Cuaresma nga subling muagi pa sa makutit nga proseso ang implementasyon sa maong balaod ilabina nga dunay Muslim areas nga dili gusto masakop sa BOL diiin usa niini ang Lanao del Norte.
