CAGAYAN DE ORO CITY-Gigukod karon grupong Maute-ISIS nga nakig-engkuwentro sa militar kuyog ang NBI sa Brgy Malimbato,Tagoloan,Lanao del Norte.
Kini human unang napatay sa govt forces ang usa sa mga terorista nga si Hadji Rasol Mambuay alias Mercury dihang nagsinukliay sa mga bala sulod sa 10 minutos.
Gilusob sa militar ug NBI ang grupo ni Dianalan Dimanatang Imam alyas Papayungan dihang misukol hinungdan sa engkuwentro.
Ang grupo ni Papayungan ang kabahin sa grupo ni Maute-ISIS sub-commander Benito Marahomsar alyas Abu Dar nga mihimo’g pag-atake sa Marawi City kapi’g tuig na ang nakalabay.
