CAGAYAN DE ORO CITY – Kapungot ug panganti ang gipangbati sa mga na biktima sa grupo sa mga lalaking kawatan nga daw nanghakot sa kabtangan sulod sa boarding house nga nahimutang sa Ebarle Street,Brgy 30 ning syudad.
Kini human kabahin ang kuwarto nga gisak-an sa anchorman sa Bombo Radyo Cagayan de Oro nga si Pete Gambe ang gisudlan sa mga kawatan diin nakuha ang pipila sa iyang personal nga kagamitan.
Makita sa CCTV camera footages kon giunsa pag-maniobra sa mga kawatan ayha misulod sa mga kuwarto hinungdan nadala ang pipila ka paresan sa sapatos ni Gambe ingon man ang refrigerator sa bayaw-babaye sa tag-iya sa balay ug daghan pang uban.
Tungod nini, giawhag ni Gambe kinsa ang anchorman sa Bombo Reports 1st Edition Program ang kapolisan nga mahimuan sa gilayong aksyon ang maong pagpangawat kay posibleng buhaton gihapon kini sa mga suspek sa ubang kabalayan ning syudad.
Hisayrang ang Brgy 30 ang ubos sa hurisdiksyon sa kapolisan sa Cogon Police Station 2 diin natigayon ang pagpangawat pasado alas 11:00 sa gabii sa miaging Sabado.
