(Update) CAGAYAN DE ORO CITY- Naghulat na alang kang Bombo Laurence Geralde Jr ang special award ug cash prize gikan sa Cagayan de Oro Press Club Incorporated o COPC dinhi sa syudad.
Kini human hatagan siya’g COPC’s presidential special award sa kasamtangang presidente niini nga si Msgr Elmer Abacahin tungod sa walay kahadlok paghatag sa buhi nga paghulagway sa kagubot sa Marawi City.
Miingon si Abacahin nga angay lamang hatagan sa talagsaong pasidungog si Bombo Laurence kay gibuhis niini ang iyang kinabuhi makahatod lamang sa ensakto nga hitabo gikan sa Marawi City.
Hinoon,wala na motug-an si Abacahin kon pila ang salapi nga ihatag niya kang Geralde.
Si Gerlade ang nag-inusara na lamang nga broadcast media sa Cagayan de Oro City nga nakatutok sa padayong engkuwentro sa militar ug mga terorista sa Marawi City sa kapi’g usa ka semana na.
