CAGAYAN DE ORO CITY-Giila sa Armed Forces of the Philippines ang kaisog ug kakugi sa mga sakop sa media nga buhis-kinabuhi mitutok sa lima ka bulan nga giyera sa Marawi City tuig 2017.
Kini human sulayi pag-ilog sa grupong Maute-ISIS ang maong syudad apan napugngan sa militar ug kapolisan.
Mismo si AFP chief Lt Gen Rolando Bautista ang nagdalit sa media tribute alayon sa ika-121 nga tuig anibersaryo sa militar diin kabahin ang Bombo Radyo Philippines ang gihatagan sa pag-ila.
Nasayran nga sukad semana nga unang mibuto hangtod napukan sa gobierno ang mga terorista,wala na undangi sa Bombo Radyo Cag. de Oro war correspondents Bombo Laurence Geralde ug Bombo Patrick Tablon ang pagtutok ug paghatod sa tanang hitabo sulod sa main battle area.
