CAGAYAN DE ORO CITY – Patay nang nahidangat sa ospital ang grade 3 pupil nga gitoohang nalumos diha sa Riverside, Brgy Bugo ning syudad.
Giila ni Cagayan de Oro City Police Office o COCPO spokesperson Police Major Evan Viñas ang biktima nga si John Adrian Codriga, 9-anyos, residente sa Zone 6, Brgy Bugo ning syudad.
Miingon si Viñas nga niadto pang miaging adlaw na-missing ang biktima dihang naligo kini sa suba kauban ang iyang classmates.
Nakita sa usa ka concern citizen ang lawas sa biktima ug dali dali kining gidala sa ospital apan gideklara nga dead on arrival sa attending physician nga si Dr. Karl Lloyd Licup kagahapong adlawa.
