CAGAYAN DE ORO CITY – Gitumbok sa Bureau of Fire Protection o BFP nga depektoso nga linya sa koryente ang hinungdan sa pagkasunog sa bodega nga iya sa PLDT diha sa Brgy Carmen ning syudad kaganihang kadlawon.
Miingon si BFP Carmen sub-station commander SFO3 Samson Velarde nga giisa nila sa 4th alarm ang pag-ulbo sa kalayo hinungdan mi-responde ang daghang firetrucks gikan sa nagkadaiyang lokasyon sa syudad.
Naglisod ang fire fighters sa hingpit pagpalong tungod sa sobra ka baga ang aso nga milugwa sa PDLT warehouse tungod sa daghang combustible materials nga anaa sa sulod niini.
Hinoon,walay bisan usa ka tawo nga samaron o naangol sa maong sunog.Gisuta pa sa BFP kon pila ang structural damage sa maong gambalay.
