CAGAYAN DE ORO CITY – Dako ang posibilidad nga ipatuman ang signal jamming sa mga dagkong aktibidad sa kapistahan ni Sr San Agustin ning syudad.
Miingon si Cagayan de Oro City Police Director Colonel Henry Dampal nga nahimo kining epektibo isip kabahin sa security preparations sa ilang hanay sama sa miaging tuig.
Nagtoo ang opisyal nga dako’g matabang ang pagwala sa signal sa mga communication devices sa pagmintinar sa kahusay ug kalinaw sa dakbayan atol sa pagpahigayon sa mga feast activities.
Hisayran nga sa matag kasaulogan sa kapistahan sa syudad, hugot nga gidili sa mga pulis ang pagdala sa mga backpack, pagsul-ob ug kalo, sun glasses ug daghan pang uban.
