CAGAYAN DE ORO CITY- Mobalik na ang operasyon sa small town lottery o STL sa tibuok nasud.
Miingon si PCSO General Manager Royina Garma nga epekto kini sa ilang pakig-estorya kang Pres Rodrigo Duterte diin may ipatuman dugang gabayan aron dili na masabotahe sa illegal gambling lords.
Dugang ni Garma nga makabalik lamang kadtong STL franchise operators nga maayo’g record sa PCSO opisina dungan sa pagsubmitar sa bag-ong rekisitos.
Gipahunong kaniadto ni Duterte ang STL operations tungod sa grabeng kurapsyon nga hinimuan mismo sa pipila ka PCSO officials.
Samtang gikalipay sa Misamis Oriental-Cagayan de Oro Lotto Agent Association o MOCLAA ang proklamasyon ni Garma nga pagpabalik sa operasyon sa Small Town Lottery o STL sa nasud.
Miingon si MOCLAA Pres Astrid Bana nga ila unang hulaton ang go signal sa Diamond Millennium Corporation o DMC ayha sila mobalik sa pagpataya sa STL dinhi sa syudad ug lalawigan.
Ang DMC maoy nag inusarang Autorized Agent Corporation sa STL sa Cagayan de Oro ug Misamis Oriental.
Hisayran nga gituyo pagmugna ang STL aron mabatukan ang pagkatag sa mga illegal numbers game nasud..
