CAGAYAN DE ORO CITY – Gitumbok karon sa kapolisan nga dunay koneksyon sa Ozamiz Robbery Group ang lima ka suspek nga mitulis sa Quality Appliance Plaza Center diha sa J.R. Borja-Aguinaldo Streets,Brgy 32 ning syudad.
Kini human migawas nga kabahin sa mga suspek ang wanted person nga si Archolito Palonbon alyas Bingcol nga mitulis sa maong establisimiento diin nadala ang kapi’g 400-mil pesos nga salapi ug kabtangan nga gikan usab sa mga empleyado.
Miingon si Cogon Police Station Commander Capt Tessie Lleva nga si Bingcol ang nabilin sa nabungkag nga Ozamiz Robbery Gang diin nagpasakop sa bag-ong grupo nga utok sa ubang pagpanulis dinhi sa Mindanao.
Dumduman nga si Bingcol ang dugay nang pinangita sa balaod gumikan sa pagsilbing suspek sa sunod-sunod nga pagpanulis sa branches sa LBC ning syudad.
