CAGAYAN DE ORO CITY – Nahatagan sa libreng arroz caldo ang 200 ka bata nga gihatag sa Bombo Radyo inabagan sa city govt diha sa landfill area sa Zayas, Barangay Carmen ning syudad.
Kini alayon na sa feeding program nga gihimo sa sibyahan isip kabahin sa pagsaulog sa ika-28th founding anniversary kagahapong adlawa.
Gisugdan ang selebrasyon pinaagi sa motorcada nga gitambungan sa mga pulis gikan sa Misamis Oriental Provincial Police Office,mga sundalo sa 4th ID Philippine Army, Road and Traffic Administration, nagkadaiyang mga grupo ug organisasyon nga gilakipan sa Philippine Rescue 2000, Guardians, bikers ug die-hard supporters/listeners sa Bombo Radyo.
Gipahigayon usab ang thanksgiving mass sa istasyon nga gipanguluhan sa 29-anyos nga si Fr. Aidan Zavallero gikan sa Lorenzo Ruiz Mission Society.
Sa iyang homily,gipaambit sa pari nga biktima sag kritisismo ang iyang pamilya sa Bombo Radyo tungod sa iyang amahan nga usa ka pulis.
Siya miingon nga tungod sa maong panghitabo, napuno ang iyang pamilya sa pagsaway gikan sa ilang mga silingan ug nasuspenso sa trabaho ang iyang amahan sulod sa tulo ka bulan hinungdan nga nagkalisod ang ilang pamilya.
Apan, giangkon ni Fr. Zavallero nga may nahimo nga kasaypanan ang iyang amahan.
Dugang pa niini nga tungod sa maong pagsulay, mao ang usa sa hinungdan nga gisudlan niya ang bokasyon tungod kay daghan siya’g mga realisasyon sa kinabuhi.
