CAGAYAN DE ORO CITY – Gipasidunggan sa Philippine Red Cross o PRC ang Bombo Radyo Cagayan de Oro sa pagsilbing pinaka-bloodiest radio station sa nasud.
Kini human subli pamatud-i sa taga-Northern Mindanao ang ilang dakong gugma nga makatabang sa mga tawo nga nanginahanglan sa abono sa dugo sa panahon sa emerhensiya.
Miingon si PRC Northern Mindanao Gov Antonio Soriano nga unta dili mahunong ang tinuig nga Dugong Bombo kay dako kini’g natabang sa katilingban.
Gihimo ni Soriano ang pahayag tungod sa mil- 146 ka tawo nga nakuhaan sa dugo sa Dugong Bombo 2019 nga gihimo sa syudad,Misamis Oriental ug Iligan City niadtong Nob 16 ning tuiga.
Mismo si PRC Blood Center Manager Dra. Christina Marie Pelaez ang nagtunol sa ‘ Testimonial Plaque’ sa Bombo Radyo tungod sa promosyon sa Voluntary Blood Donation base sa nalatid sa balaod.
