CAGAYAN DE ORO CITY-Mihakot sa mga pasidungog ang Bombo Radyo Cagayan de Oro alayon sa tinuig nga Top Level Management Conference o TLMC sa Bombo Radyo Philippines sa Iloilo City kagabii.
Kini atol sa gilusad nga BRP’s fellowship night kauban ang mga top brass sa network sa Iloilo City.
Gitaho ni Bombo Celso Maldecir, station manager sa 729KHZ-DXIF Bombo Radyo CdeO nga kabahin sa gihatagan pasidungog ang pagsilbing overall no.1 radio station niini nga gihimo sa Kantar Media Philippines sa syudad niadtong Setyembre 2017.
Nakakuha kini’g 54.1 percenct audience share itandi sa RMN-DXCC 828KHZ nga anaa lamang sa 33.21%.
Gihatagan usab sa pag-ila ang sibyahan kay nakuha niini ang highest number of successful blood donors sa 2017 Dugong Bombo project nga gilusad sa Atrium, Limketkai Mall, Cagayan de Oro City niadtong Nobyembre.
Nakakuha kini sa mil-095 ka succesful blood donors ang dakbayan sa maong tuig.
Hinoon, dili na kini bag-o sa sibyahan kay sulod sa 12 ka tuig nga paghimo sa proyekto ang halos hawid niini ang kanunay pag-top blood generator tungod sa init nga suporta gikan sa katawhan sa Northern Mindanao.
Gihatagan usab sa special awards isip war correspondents sila Bombo Laurence Geralde Jr ug Bombo Patrick Tablon dihang miulbo ang giyera tali sa government forces batok Maute-ISIS group sa Marawi City niadtong Mayo 23,2017.
Gihatagan sa dugang pag-ila sa BRP ang pagsilbi usab nga war on drugs correspondent ni Tablon kay isog nga gitutukan niini ang dugu-ong police operations batok sa grupo ni late Ozamiz City Mayor Reynaldo ‘Aldong’ Parojinog Sr niadtong Hulyo 30,2017.
Gihuptan usab sa Bombo Radyo CdeO,ang top post sa sales campaign nga kabahin sa kada-adlaw nga operasyon sa network.
Dugtong niini, gikalipay pag-ayo sa sibyahan ang mga pag-ila sa BRP’s top officials ug ibalik kini ngadto sa mga tigpaminaw pinaagi sa paghatag pa sa napanahon nga mga balita ug serbisyo publiko sa rehiyon ug kanait nga mga lugar.
