CAGAYAN DE ORO CITY-Gihulagway sa upat ka letrang ‘P’ ang pagkab-ot sa Bombo Radyo Cagayan de Oro sa ika-27 ka tuig nga katukuran niini dinhi sa syudad.
Kini human unang nadungog ang pinasahi nga istilo sa pagsibya ug isog nga komentaryo nga puno sa unod ang dxIF-Bombo Radyo sa katawhan niadtong Disyembre 30,1991.
Miingon si Msgr Elmer ‘Kid’ Abacahin,PC,SSJV nga angay batunanan sa Bombo Radyo ang pagdumdom,pagpasalamat,pagsaulog ug paghagit sa matag-usa aron pabiling molawig ang pag-alagad niini sa katawhan.
Gihimo ni Abacahin ang hagit dungan sa pagpangulo niini sa thanks giving mass mismo sa sibyahan ning syudad kagabii.
Gani,gidumdom ni Abacahin ang dako nga kontribusyon sa Bombo Radyo dili lamang sa balita ug impormasyon apan bisan sa uban mga paagi pagtabang sa katawhan.
Sulod ning tuiga,nasakmit sa Bombo Radyo Cagayan de Oro ang pagsilbing overall no.1 radio station sa dakbayan ingon man sa tibuok rehiyon diyes lunod-patay nga suporta sa katawhan.Basta Radyo…Bombo!
