CAGAYAN DE ORO CITY-Nag-una ang sibyahan sa Bombo Radyo Cagayan de Oro ubos sa BOMBO RADYO Philippines Network sa mahatagan sa pasidungog sa Philippine Red Cross sa syudad sa Oktobre 19 ning tuiga.
Miingon si PRC officer Clifford Roa nga wala pa gihapo’y makalupig sa record sa Bombo Radyo isip nag-unang AM station sa pagbaton sa labing daghang dugo sulod lamang sa usa ka adlaw.
Dugtong niini,giawhag usab sa PRC ang publiko nga suportahan sa laing higayon ang ilusad nga Dugong Bombo nga himoon sa Atrium,Limketkai Mall sa Nobyembre 17 ning tuiga.
Nasayran nga sukad gilusad ang Dugong Bombo sa tibuok nasud,pabiling nag-una ang katawhan gikan sa Northern Mindanao nga ga-donar hinungdan nga numero uno usab kanunay ang Bombo Radyo Cagayan de Oro.
