CAGAYAN DE ORO CITY-Matuman na sa bag-ong milyonaryo nga si Juliet Cena nga taga- Mambato,Brgy Lapasan ning syudad ang iyang pangandoy nga magahinan alang sa panggasto sa pagtungha ang mga anak niini sa kolehiyo.
Kini human gidawat na ni Cena ang iyang premyo balor usa ka milyon ka pesos isip grand prize winner sa Buena Mano Salvo Promo Part 12 nga gipasiugdahan sa Bombo Radyo ug giabagan sa product sponsors.
Matud ni Cena nga kon magbaton pa kini’g sobra sa iyang daug,mangati usab sila’g luna aron tukuran sa ilang balay.
Si Cena ang nabalaka nga ma-demolish na sa ilang gipuy-ang balay hinungdan nga naghuna-huna kini sa pagpangita’g yuya nga kabalhinan.
Gawas kang Cena,gidawat na usab nila ni Jefrenalou Valdehueza gikan sa Magsaysay,Misamis Oriental;Ernellio Millena sa Brgy Puntod ug Judy Capito gikan sa Brgy Calaanan ning syudad ang ilang mga papremyo isip consolation prizes.
Si Valdehueza ang midawat sa 15-mil pesos;Millena sa balor 10-mil ug Capito nga 5-mil pesos.
