CAGAYAN DE ORO CITY – Gikalipay sa Bombo Radyo Philippines top senior officials ang gihimong pag-ila sa Trinity University of Asia sa Quezon City ning tuiga.
Kini human ilha sa laing higayon ang Bombo Radyo Philippines nga MOST RELIABLE AM STATION sa 5th Platinum Statllion Awards 2019 sa kauluhan.
Maoy nagpaluyo sa maong awards giving body ang mga tinun-an gikan sa Media ug Communication Department and Events Management ubos program chairman nga si Dr Walter Yudelmo.
Kini tungod sa pag-ila ug paghatag pasidungog sa padayong pagsilbi sa lain-laing personalidad sa natad sa broadcast media,showbiz, TV, print ug theater arts.
Gipili ang mga nagdaug pinaagi sa university-wide survey nga gilakipan dili lamang sa mga estudyante apan bisan sa ilang mga ginikanan,faculty, alumni, maintenance staff ug uban pa.
Pagmatood lamang kini nga pasidungog nga ang Bombo Radyo ang pinakamasaligan nga media entity sa paghatod sa mga balita.
Kining maong pasidungog ang gihalad usab sa Bombo Radyo sa mga tigpaminaw nga padayong misalig sa mga programa ug promo sa dugay nang panahon.
Ang Bombo Radyo Philippines ang kapin lima ka dekada nang nagsilbi sa katawhang Pilipinhon nga gilangkuban sa 31-strong AM ug FM stations nationwide.
