Nananawag ang Bonbon Drivers Association sa LTFRB ug Department of Social Welfare and Development (DSWD) nga hatagan og mas paspas ug klaro nga aksyon ang mga isyu sa sektor sa transportasyon sa syudad, ilabina nga daghan pa sa mga drayber ang wala makadawat sa ilang bahin sa ayuda bisan pa og naa na ang ilang ngalan sa listahan.
Sumala ni Emmanuel Espinosa, presidente sa Bonoda, nagpadayon ang kalisod sa mga drayber tungod sa ayuda nga wala pa marelease, ug kung naa man, kulang ang nadawat nga dako unta og tabang kanila.
Dugang pa niya, kini nga kahimtang nagdugang sa problema sa adlaw-adlaw nga panginabuhi, ilabina sa kahimtang sa kinitaan karong panahon sa krisis.
Para sa Bonoda, kinahanglan adunay mas organisado ug tulin nga sistema sa paghatag og suporta aron dili motaas ang kasamok sa sektor.
Busa, gipamugos sa grupo ang duha ka ahensya nga hatagan og prayoridad ang kahimtang sa mga drayber ug paspasan ang pagrelease sa ayuda nga wala pa nadawat sa pipila ka drayber.
