CAGAYAN DE ORO CITY – Luwas batok sa African Swine Fever o ASF ang mga baboy nga mismo gibuhi sa backyard hog raisers gikan sa kalungsuran sa Misamis Oriental.
Kini ang pagsiguro sa Misamis Oriental Provincial Veterinary Office ngadto sa publiko.
Namahayag si Provincial Veterinary Office head Dr Benjie Resma nga pagmatood niini,dunay ‘boodle fight’ sa sinugbang baboy nga idalit alang sa katawhan diha sa kapitolyo probinsyal karong buntag.
Nag-unang tuyo niini nga mapaabot ang mensahe nga anaa pa sa luwas nga kahimtang ang mga baboy sa lalawigan bisan sa daghang mga baboy nga nangamatay sa ASF didto sa Rizal ug Bulacan.
Mangulo sa maong kalihukan mismo si Gob Bambi Emano ug ubang ulo sa mga departamento sa kapitolyo probinsyal.
