Gi-rekomenda sa Land Transportation Office (LTO) ang kinatibuk-ang pagwagtang sa Boss Ironman Motorcycle Challenge (BIMC) human natala ang pipila ka aksidente sa kalsada kundiin unom ka pedestrians ug participants ang nasamdan samtang usa ang namatay.
Gi-mando ni LTO Chief Assistant Secretary Markus Lacanilao ang presidente sa BIMC nga i-sumite ang iyahang driver’s license samtang mipadayon pa ang imbestigasyon sa insidente.
Hisayran nga natigayon ang maong kalihokan niadtong Enero 31 ug Pebrero 1 sa General Santos City diin giklaro sa LTO nga wala kini permit nga gihatag kanila, ug midugang nga dako kini nga problema tungod kay daghang balaod ang ilahang nalapas.
