CAGAYAN DE ORO CITY, Philippines – Mipanaw na ang “Never Gonna Let You Go’ singer nga si Sergio Mendes, sa edad 83.
Subay sa report, namatay ang Brazilian singer sa iyang puy-anan sa Los Angeles, Estadus Unidos, human sa taas nga balun sa pakigbatok sa COVID-19.
Nagpeak ang career ni Mendes sa kalibutan sa sonata dihang misikat ang ilang banda dekada 70.
Una kining nagperform isip band member sa Brasil ’66 kung asa nakadawat sa worldwide nga pag-ila tungod sa ilang bossa nova genre.
Naminyo si Mendes kang Gracinha Leporace kinsa kanunay kuyog niya sa pagkanta sulod sa 54 katuig ug nagbaton sa lima ka mga anak.
Nahimong labing sikat niyang alawiton mao ang “Mas que Nada”.
Usa kini sa breakthrough hit sa banda nga gi-remix sa Black Eyed Peas, tuig 2006.
Apan, alang sa mga pinoy music lovers, mas nitatak ang ngalan ni Mendes sukad migawas ang iyang 1983 music hit nga “Never Gonna Let You Go’ nga unang gikanta sa US music industry pinaagi ni Dionne Warwick.
Ang rendition ni Mendes sa maong sonata maoy nakakuha’g daghan pag-ila human niya kini gipakanta sa iyang kauban sa banda nga sila Joe Pizzulo and Leeza Miller.
Kini nga alawiton nag peak sa no. 4 spot sa Billboard Hot 100 chart sa maong tuig.
Nagsumikad kini nga awit sa iyang 1983 self-titled album.
Gisegundahan ang maong love song sa laing music hit nga nag-uluhag “What Do We Mean To Each Other”, ug “Take this Love” sa tuig 1986 ubos sa iyang album nga Brasil ’86.
Tungod sa taas nga kontribusyon ni Mendes sa bossa nova music, gikonsiderar kini’g Bossa Nova Legend.
Miingon ang iyang kapikas nga ulahi kining nagkonsierto sa tuig 2023, kundiin soldout ang iyang tickets sa managlahing music theaters sa Paris, London ug Barcelona.”
