CAGAYAN DE ORO CITY – Napun-an ang ihap sa kampeonato nga gihuptan sa usa sa mga veteran team sa National Basketball Association nga Boston Celtics ning tuiga.
Kini human nila nakuha ang 4-1 lead sa NBA finals batok sa Dallas Mavericks sa ilang game 5 sa mismong korte sa Celtics sa final score 106-88.Nagsilbi kining ika-18 nga NBA title nga nahuptan sa Celtics.
Nangulo sa kampeonato sa Celtics si Jayson Tatum nga nagbaton sa 31 puntos,walo ka rebounds ug 11 ka assists aron kuptan ang dugang kampeonato sa NBA.
Miabag usab si Jaylen Brown sa iyang 21 puntos diin siya ang giila nga NBA-Most Valuable Player.
Tungod sa kadaugan sa Celtics,sila na ang nagbaton sa labing daghang kampeonato sa NBA history.
Dumduman nga milabay una ang 16 ka tuig ayha nakabalik pagkampeon dihang gipildi nila ang higpit nga karibal nila nga Los Angeles Lakers sa tuig 2008.
Sa pikas bahin,ang pildirong Mavs ang gipanguluhan usab Luka Doncic nga dunay 28 puntos ug laing 15 points gikan kang Kyrie Irving.
