CAGAYAN DE ORO CITY -Kutob na lang sa pagkondinar si Commission on Elections chairman Atty George Garcia sa laing pagpusil-patay sa usa ka botante nga miduso’g kaso batok sa giingong flying voters nga misulod sa lungsod sa Pualas,Lanao del Sur.
Miingon si Garcia nga walay luna ang mga tawong talawan sa gawasnong katilingban nga nga nagsalig lang sa gihuptang impluwensiya alang sa mga personal nga interes.
Unang giila ni Police Lt. Col. Juanito J. Jamis, Lanao del Sur police deputy provincial director for operations ang biktima nga si Zainodin Sarip Guro,48 anyos ngva nagpuyo sa lugar.
Sa inisyal nga imbestigasyon, gikan sa iyang uma ang biktima ug padulong unta mosimba dihang gipusil sa makadghang higayon sa motorcycle in tandem suspects hinungdan sa kamatayon niini.
Si Guro ang usa lang sa daghang petitioners batok flying voters nga nakabase sa Brgy Tomarompong.
Dumduman nga sa milabay’ng Nobyembre ning tuiga, gi-ambush patay usab ang election officer sa Comelec nga nakabase sa lungsod sa Nunungan,Lanao del Norte tungod gihapon sa isyu sa politika.
