Dili sibugan ni PNP chief General Nicolas Torre III ang hagit nga pakig-boksing ni former presidential son ug incumbent City Vice Mayor Sebastian ‘Baste’ Duterte.
Kini human dawata ni Torre ang hagit ni Baste nga i-agi na lang daw nila sa bahug-bahog sa mga kinomo ang ilang mga birada sa social media.
Miingon ang heneral sa interbyu sa mga sakop sa media nga wala niya tumpangi ang hagit ni Baste apan oportunidad usab daw kini nga makatigom sila’g pondo alang sa charity purposes.
Kini ilabina nga dagkong bahin sa kauluhan ang nahiagom sa grabeng pagbaha nga nag-resulta sa dakong damyos epekto sa mga pag-ulan nga dala sa kanhi bagyong Crising.
Siya miingon nga kung desidido si Baste,angayang buhaton na nila ang pasingot sa Araneta Coliseum sa adlaw’g Domingo sulod sa dose ka hugna nga away.
Gilayong miani sa nagkadaiyang reaksyon ang hagit ni Baste ug ang tubag ni Torre.
Dumduman nga si Torre ang nagdakop kang kanhi Pres Rodrigo Duterte ug paspas gipadala sa Netherlands niadtong Marso ning tuiga.
Hisayrang si Baste ang acting city mayor sa Davao gumikan sa pagka-detinado ni Digong sa International Criminal Court epekto sa pagtugyan sa Pilipinas kaniya.
