CAGAYAN DE ORO CITY – Kasuhan sa Philippine Drug Enforcement Agency 10 sa pagsupak sa balaod pagbaligya sa ilegal nga droga ang suspek nga hiniusang nadakpan sa Barangay Bugo ning syudad.
Giila ni PDEA 10 regional director Atty Benjie Gaspi ang dinakpan nga si alyas Boy Pusher, 34 anyos nga nagpuyo sa maong lugar.
Namahayag si Gaspi nga nabawi nila kuyog ang Villanueva Police Station operatives gikan kang Boy Pusher ang gatos gramos nga shabu nga dunay 680-mil pesos nga bana-banang kantidad.
Detinado ang suspek sa kustodiya sa PDEA-10 mini-cell ug gitakdang isaka sa city jail sa oras nga may ilugwa na nga mando gikan sa korte nga maghawid sa kaso niini sa syudad.
