CAGAYAN DE ORO CITY-Dili na kinahanglan nga armasan pa ang mga miembro sa Brgy Peacekeeping Action Team o BPAT aron mabatukan ang grupong Maute-ISIS sa Lanao del Sur.
Kini human unang gihangyo ni Butig Mayor Atty Dimnatang Labay Pansar kaniadto ang militar ug kapolisan nga tugtan magdala’g armas ang BPAT aron kapanalipdan ang ilang katawhan batok sa mga terorista.
Ang pamilyang Maute ang nagsumikad sa maong lungsod ilabina ni Engr Cayamora ug Ominta Romato “Farhana” Maute nga founder sa localize terrorist group sa Lanao del Sur.
Samtang gipaniguro ni City Mayor Atty Majul Gandamra nga dili masagulan sa isyu sa kurapsyon ang subli pagpabangon ug pagtukod sa naguba nga syudad sa Marawi City.
Kini human atakeha sa grupong Maute-ISIS sulod sa lima ka bulan sugod Mayo 23 ning tuiga.
Miingon si Gandamra nga dili nila gusto mahitabo ang alegasyon sa kurapsyon sa rehabilitation effort sa Eastern Samar nga naigo sa bagyong Yolanda.
Gihagit usab ni Gandamra nga angay magbantay ang publiko ug pribadong sektor aron dili makahigayon ang public officials pagkawat sa pondo nga alang sa katukuran sa Marawi City.
