CAGAYAN DE ORO CITY – Kasuhan sa kapolisan sa reckless imprudence resulting to multiple damage to property ang ten wheeler truck driver nga nakadamyos sa bag-o pa lamang nga police patrol car nga iya sa Agora Police Station 3 ning syudad.
Gibutyag ni Lt Col Evan Viñas,tigpamaba sa Cagayan de Oro City Police Office nga nakaparada ang patrol car gawas sa PS3 sa dihang kalit naluros ang mga bato nga gibangil sa mga ligid sa trak hinungdan sa hitabo.
Miingon si Viñas nga maoy kasuhan ang suspek nga si Michael David,40 anyos,ulitawo ug nagpuyo sa Block 3,Brgy Puntod ning syudad.
Tungod sa kabug-at sa trak,nahiagom sa grabeng damyos ang patrol car ug laing pribadong mga sakyanan sa mga pulis sa PS3.
Hisayrang ang maong patrol ang kabahin sa napulo ka bag-o nga hinatag sa city govt ngadto sa COCPO aron ikakusog ang anti-criminality campaign sa dakbayan.
