CAGAYAN DE ORO CITY – Wala isalikway sa management sa METROPAC Water Company nga kasuhan nila sa ‘breach of contract’ ang Cagayan de Oro Water District o COWD pag-abot sa panahon.
Kini ilabina kon walay makab-ot nga kasulbaran sa bayrunon sa COWD sa padayong pag-suplay sa tubig sa Cagayan de Oro Bulk Water Incorporated o COBI ngadto sa distrito uno.
Namahayag si MetroPac Water senior legal counsel Atty. Roberto Rodrigo nga apil kini sa gitun -an sa ilang team aron makuha ang alang sa kompanya.
Una nang naningil sa 470 milyones pesos nga bayrunon ang COBI apan dili mobayad ang COWD kay sukwahi usab kini sa ilang kaugalingong sumada ug wala nalatid sa book of accounts.
Samtang hulaton sa naglangkob sa hunta-direktiba ug top mngt sa COWD nga maduso ang pormal nga kaso sa MetroPac Waters sa korte.
Kini ang tubag ni COWD board of director Dr. Gerry Caño sa kanunay’ng ipamugos sa maong kompanya nga utangan ang katawhan sa serbisyong-panubig sa dakbayan.
Namahayag si Caño nga labing maayo nga idangop sa korte ang contract conflict isyu aron mahatagan na sa sulbad kaysa sakyan sa mga politiko nga dunay mga personal-interes.
Sa pikas bahin,taliwala nga daw nanghinaw si City Mayor Rolando ‘Klarex’ Uy nga walay labot ang city govt sa COWD-COBI contract conflict apan misugyot kini nga pasudlan sa third party aron masulbad ang maong isyu.
Kini kon tinud-anay nga gusto sa duha ka panig nga masulbad ang konplikto sa isyu sa bayrunon nga basehan pagsingil sa COBI apan gilikayan bayran sa COWD.
Miingon ang mayor nga mas maayo nga 3rd party accountant experts ang kuhaon kaysa kaugalingon nila mga empleyado nga pulos lang pag-depensa ang himoon.
