CAGAYAN DE ORO CITY – Patay ang usa ka guirella fighter sa New People’s Army (NPA) human nakig-engkwentro sa 10th Infantry Battalion ug sa 2nd PNP Mobile Force Company sa Brgy Bagacay ug Cogon, Ozamiz City, Misamis Occidental.
Base sa report, duha ka managlahing engkwentro ang nahitabo kundiin, napatay ang usa ka sakop sa NPA sa engkwentro sa Brgy Bagacay.
Laing NPA guerilla ang samaron, ug unom ang dakpan, sa ikaduhang engkwentro sa Brgy Cogon, karong buntag.
Mismo ang mga residente ang mireport sa kasundaluan nga dunay presensya sa mga armadong lalaki sa ilang mga barangay.
Sa nakuhang impormasyon sa Bombo Radyo, gipanguluhan ni Lt. Col. Ray Tiongson, 10th Infantry Battalion commander ang operasyon.
Nakompiskar sa mga rebelde ang usa ka M16 rifle, upat ka caliber .45 pistol, 7 ka hand grenades, tulo ka motorcycles,improvised explosive components ug nga pagkaon.
Mi-angkon si AFP Western Mindanao Command spokesperson Major Arvin Encinas nga duha sa mga sundalo ang gidala sa ospital human maigo sa mga bala gikan sa mga rebelde.
