Misaka pa sa 14 ang gidaghanon sa mga namatay sa pagsungag sa duha ka tren sa Bekasi, West Java, Indonesia, samtang 84 ang nasamdan.
Maoy nalambigit ang usa ka commuter train gikan Jakarta-Bekasi ug usa ka long-distance train paingon Jakarta-Surabaya.
Martes sa buntag, mibisita si Presidente Prabowo Subianto sa mga biktima sa ospital sa Bekasi, ug naghatag siya sa pahisubo sa ngalan sa gobyerno ug sa iyang kaugalingon.
Nagpasalig kini sa hinanaling imbestigasyon sa ngilngig nga hitabo.
