CAGAYAN DE ORO CITY – Walo na ka balay ang gilamoy sa kalayo sa Purok-14, Initao, Misamis Oriental.
Gikompirmar ni Police Captain Arlene Ranario, hepe sa Initao Police Station, ang pagkasunog sa mga balay nga nahimutang luyo sa simbahan sa Mormons, sa maong lungsod.
Base sab sa report ni Bombo Volunteer George Quitoriano, wala nay tsansa nga mukatag pa sa ika-siyam nga balay ang kalayo tungod kay paspas nga nakaresponde ang Bureau of Fire Protection – Naawan.
Si Quitoriano, kinsa nagpuyo sa Initao, miingon nga gipanag-iyahan ni Engr. Rony Luntayao, ug usa ka Chinese National nga si Kim San ang nasunog nga mga balay.
Gikordon na sa Initao Municipal Police Station ang lugar sa nasunugan.
Dili pa masuta sa BFP ang hinungdan sa sunog.
