Wala pay mahatag nga impormasyon ang Philippine Coast Guard (PCG) ug Armed Forces of the Philippines (AFP) sa report nga nakuha ni Senador Ping Lacson nga namatyan sa duha ka crew ang pagsungag sa China Coast Guard (CCG) Vessel batok sa Peoples Liberation Army (PLA) sa China warship, didto sa Bajo de Masinloc, Agosto 11.
Nagviral ang maong bangga kay navideohan kini sa PCG nga sakay sa BRP Suluan.
Mahinumduman nga gitawagan pa sa PCG ang kapitan sa CCG aron muhatag unta sa medical nga ayuda, ilabe na nga human sa insidente, gibiyaan lang sa PLA China Warship ang ilang napungag nga vessel sa CCG.
